Sportisti i famshëm ukrainas, Andrei Medvedev, i cili ishte finalist për Roland-Garros në vitin 1999, ndodhet në vendin e tij dhe takoi bashkëkombasion e tij Sergiy Stakhovsky, i cili udhëtoi në Kiev rreth dy javë më parë për t’u bashkuar me ushtrinë në mbrojtjen e Ukrainës.

Momenti është ndarë nga më i riu i ish-tenistëve në Instagram, rrjeti social ku Stakhovsky ka raportuar disa nga momentet me të cilat është përballur që kur vendosi të udhëtonte në Ukrainë dhe të luftonte pushtimin e Rusisë, shkruan Demokracia.com.

“Legjenda e tenisit botëror, Andrei Medvedev, qëndron në Kiev dhe është gati të takojë armikun. Jam jashtëzakonisht i lumtur që shoh kapitenin e ekipit kombëtar të tenisit të Ukrainës. Patriot i Ukrainës”, shkroi Stakhovsky.

Në rezymenë e tij, Medvedev ka gjithashtu titullin në Estoril Open 1993, në të cilin ai mundi Karel Novacek në finale, dhe një finale në edicionin vijues, humbi 4-6, 7-5 dhe 6-4 nga spanjolli Carlos Costa.

Medvedev tani është përzgjedhës i kombëtares së Davis Cup të Ukrainës, por për shkak të gjendjes së luftës në Ukrainë, ai vendosi të bashkohet me ushtrinë e vendit të tij./Demokracia.com/