Këtë të mërkurë (nesër) në palestrën “13 Qershori” në Suharekë fillojnë çerekfinalet në Final 8 Kupën e Kosovës “VllesaPagesa”.

Takimi i parë çerekfinal është ndërmjet Rahovecit dhe Trepçës, dy skuadra që e duan trofeun e çmuar në basketbollin e Kosovës.

“Vreshtarët së fundi janë përforcuar me Altin Morinën dhe Arian Qallakun, kurse rikthimi i Drilon Hajrizit ka ringjallur mitrovicasit që kanë rritur edhe ambiciet në këtë edicion.

Pas kësaj ndeshje do të bëhet edhe hapja solemne me një ceremoni të organizuar”, thuhet në njoftimin e FBK-së, transmeton “Demokracia.com”.

Sfida e dytë çerekfinale do të jetë mes Golden Eagle Yllit dhe Bashkimit. Therandasit janë përforcuar me Gëzim Morinën dhe Erjon Kastratit, duke pasur një ekip shumë të komponuar, kurse Bashkimi gjithmonë ka aspirata të mëdha.

Fituesit e këtyre dy ndeshjeve do të përballen në gjysmëfinale.

Orari

E mërkurë

13:00 Istogu – RC Cola Drita

16:00 Grupi B: Rahoveci – Trepça

18:30 Hapja solemne

19:00 Grupi C: Golden Eagle Ylli – Bashkimi. /Demokracia.com