Ministria e Jashtme e Sllovenisë ka mirëpritur pajtimin e Kosovës dhe Serbisë për planin franko-gjerman.

Kosova dhe Serbia u pajtuan që të vazhdojnë përpara me planin franko-gjerman, ndërsa priten takime tjera për t’u marrë vesh rreth zbatimit të tij.

Sllovenia e cilëson këtë lajm të mirë që çon në normalizimin e marrëdhnëieve mes dy palëve dhe trason rrugën drejt BE-së.

“Mirëpresim zhvillimet pozitive mes Serbisë dhe Kosovës që çojnë në normalizimin e marrëdhënieve. Një hap i rëndësishëm për përparimin e tyre në rrugën drejt BE-së dhe për stabilitetin në Ballkanin Perëndimor. Kjo është në interesin tonë strategjik”, thuhet në komunikatën e MPJ-së sllovene.