Ish-ministri i Punëve të Jashtme të Kosovës, Petrit Selimi, ka reaguar pas publikimit të një videoje në të cilën shihen persona të armatosur parën barrikadave në veri të Republikës së Kosovës.
Selimi në një postim në rrjetin social “Twitter”, ka shkruar se situata e krijuar në katër komunat të veriore të Kosovës ka pasur efekt duke shënuar hapa mbrapa, në aspektin e ligjor.
“Një video e re e grupeve serbe të maskuara, të armatosura me AK47 në veri të Kosovës. Paketat nga “Qendra Humanitare” Ruse në Nish, shihen në video”, ka shkruar Selimi.
Situation in northern Kosovo has regressed into almost complete collapse of any law and order. A new video of masked Serbian groups, armed with AK47 in northern Kosovo. Packages form Russian “Humanitarian Center” in Nis, seen in this video. https://t.co/8fFUGQZ6qR
— Petrit Selimi (@Petrit) December 18, 2022
Mesditën se së dielës disa protestues serbë janë mbledhur afër pikëkalimit kufitar mes Kosovës dhe Serbisë, Jarinjë, – në anën e territorit serb – si shenjë mbështetjeje ndaj serbëve lokalë që kanë ngritur barrikada në veri të Kosovës.
Protestuesit janë dëgjuar duke bërtitur, “Kosova është zemra e Serbisë”.
Disa protestues serbë janë përleshur të dielën me forcat policore të Serbisë afër pikëkalimit kufitar mes Kosovës dhe Serbisë, Jarinjë, – në anën e territorit serb – teksa kanë protestuar si shenjë mbështetjeje ndaj serbëve lokalë që kanë ngritur barrikada në veri të Kosovës.
Protestuesit kanë thyer kordonin policor, mirëpo zyrtarët policorë më pas kanë formuar një kordon të ri më afër kufirit.