Zëvendësdrejtori i Përgjithshëm për Operativë i Policisë së Kosovës Fehmi Hoti, i shoqëruar nga stafi menaxherial i departamentit të kufirit gjatë ditës së sotme ka bërë vizitë në aeroportin ndërkombëtar të Prishtinës ” Adem Jashari”.

Policia e Kosovës përmes një shkrimi në ”Facebook” ka treguar se janë angazhuar për respektimin e përgjithshëm të masave anti-COVID.

“Policia e Kosovës është duke u angazhuar maksimalisht në terren për realizimin planifikimeve operacionale në lidhje me vendimet e fundit të institucioneve të Republikës së Kosovës si dhe respektimin e masave për pandeminë COVID-19”, njofton Policia e Kosovës.

Vizita dhe inspektime të tilla nga menaxhmenti i lartë si dhe nga Njësia për Inspektim në kuadër të Policisë së Kosovës do të bëhen në vazhdimësi me qëllimin e vetëm që të gjithë së bashku të angazhohemi për ruajtjen e shëndetit publik.

https://www.facebook.com/KosovoPolice/posts/4430799496980552