Shqiptarët përbëjnë diasporën e tretë më të madhe në botë, me rreth 30% të të lindurve në vend që tani jetojnë jashtë kufijve të saj, sipas të dhënave të publikuara nga Forbes.

Shqipërinë ka rreth 1.2 milionë emigrantë. Kjo i vendos ata mbi vendet si Siria, Moldavia dhe Armenia. Migrimi përbën një rrezik të madh për Shqipërinë, ku mbi gjysma e popullsisë së saj dëshiron ose planifikon të largohet.

Përveç kësaj, eksodi masiv i të rinjve dhe të arsimuarve ka çuar në mangësi të konsiderueshme në sektorin e punës, si hoteleria, turizmi, prodhimi dhe bujqësia.

Por nuk janë vetëm emigrantët që shkaktojnë probleme pasi valët e azilkërkuesve kanë hyrë në BE prej shumë vitesh, me një rritje të numrit në MB gjatë vitit 2022. Të paktën 12,000 shqiptarë, kryesisht të rinj, kanë udhëtuar në MB deri më tani këtë vit, duke shkaktuar zemërim në qeverinë dhe mediat e djathta britanike që i etiketuan ata kriminelë dhe pushtues.

Qeveria britanike ka nënshkruar një marrëveshje me Francën për të goditur ata që përpiqen të kalojnë Kanalin. Marrëveshja do të bëjë që Britania e Madhe t’i paguajë Francës më shumë se 72 milionë euro gjatë 12 muajve të ardhshëm në këmbim të rritjes së patrullave bregdetare nga Franca me 40% dhe vendosjes së oficerëve shtesë./Euroactiv/