Deputeti shqiptar në Parlamentin e Serbisë, Shaip Kamberi ka njoftuar se është certifikuar lista e Koalicionit të Shqiptarëve të Luginës që do të marrinë pjesë në zgjedhje.

Kamberi në një postim në rrjetin social “Facebook” ka bërë të ditur se “Koalicioni i Shqiptarëve të Luginës” do të jetë  Lista me numër 16, me 3 parti nënshkruese PVD, PD dhe LPD si dhe me 10 kandidatë për deputetë nga tri komunat e Luginës së Preshevës, përcjell Demokracia.com.

“Me numër 16 u certifikua gjithëpërfshirja e Luginës së Preshevës për vazhdimin e betejës së dinjitetshme politike, përfaqësimin dinjitoz e të pakompromis si përpjekje për të përfaqësuar sa më mirë shqiptarët dhe interesat  kolektive”, ka shkruar ai.

Postimi i plotë:

Certifikohet lista e Koalicionit të Shqiptarëve të Luginës.

“Koalicioni i Shqiptarëve të Luginës” do të  jetë  Lista me numër 16.

Me të njejtin numër që morëm pjesë edhe në zgjedhjet e kaluara parlamentare të vitit 2020.

Me 3 parti nënshkruese PVD, PD dhe LPD.

Me 10 kandidatë për deputet nga të tri komunat e Luginës së Preshevës.

Me Preshevën, Medvegjën e Bujanocin në të.

Me numër 16 u certifikua gjithëpërfshirja e Luginës së Preshevës për vazhdimin e betejës së dinjitetshme politike, përfaqësimin dinjitoz e të pakompromis si përpjekje për të përfaqësuar sa më mirë shqiptarët dhe interesat  kolektive./Demokracia.com/