Kombëtarja e Shqipërisë e ka fituar ndeshjen e dytë eliminatore për Kampionatin Botëror “Katar 2022”.

Në “Stadio Olimpico”, San Marino ishte nikoqir i Kombëtares shqiptare, shkruan Demokracia.com.

Ndeshja e vlefshme për grupin I i takoi kuqezinjëve me rezultat të pastër, 0:2.

Rei Manaj (’63) dhe Myrtu Uzuni (’85) i shënuan golat e fitores për Shqipërinë.

Me këtë fitore, Shqipëria ngritet në vendin e tretë në tabelë me gjashtë pikë, kurse San Marino mbetet në vendin e fundit pa pikë. /Demokracia.com