Shqipëria nuk do të jetë pjesë e finales së “Eurovision 2022”.

Këngëtarja Ronela Hajati nuk është përzgjedhur për të performuar këngën e saj “Sekret” në mbrëmjen e së shtunës (14 maj).

Shtetet e tjera që janë kualifikuar mbrëmjen e sotme për në finalen e Eurovision 2022 janë: Zvicra, Armenia, Islanda, Lituania, Portugalia, Norvegjia, Greqia, Ukraina, Moldavia, Holanda.

Në gjysmëfinalen e dytë të Eurovisionit pritet të interpretojnë shtetet e tjera si: Finlanda, Izraeli, Serbia, Azerbajxhani, Gjeorgjia, Malta, San Marino, Australia, Qipro, Irlanda, Maqedonia e Veriut, Estonia, Rumania, Polanda, Mali i Zi, Belgjika, Suedia dhe Republika Çeke.

Nata e dytë gjysmëfinale duhet theksuar se mbahet më 12 maj, kurse finalja e madhe të shtunën (14 maj).

“Eurovision 2022” është duke u zhvilluar në arenën “Pala Alpitour” në Torino të Italisë, meqenëse ky shtet shënoi fitoren vitin e kaluar me grupin “Maneskin”.

Nikoqirë në edicionin e sivjetmë janë: Mika, Laura Pausini dhe Alessandro Cattelan. /Telegrafi

For the Eurovision first-timers. You’ll never regret watching this show tonight! #Eurovision #ESC2022 pic.twitter.com/ZxRQrVaD1Z

— Eurovision Song Contest (@Eurovision) May 10, 2022