Ministria për Evropën dhe Punët e Jashtme e Shqipërisë ka dënuar përdorimin e lajmeve të rreme nga Rusia, të cilat mohuan bombardimin e Konsullatës së Nderit të Shqipërisë në Kharkiv të Ukrainës.
Në një postim në rrjetin social “Twitter” ministria ka shkruar se pamjet e shkatërrimit të ndërtesave flasin vetë, ndërsa në postim kanë bashkangjitur edhe pamjet e konsullatës së bombarduar, përcjell Demokracia.com.
“Ky shkatërrim i godinës si dhe i dokumenteve në arkiva është shkelje e hapur e nenit 61, kreu III i Konventës së Vjenës për Marrëdhëniet Konsullore. Dezinformimi dhe lajmet e rreme mbi këtë sulm janë të papranueshme”, thuhet në postimin e ministrisë.
1/2. This destruction of the premises as well as of documents in the archives are a blatant violation of Article 61, Chapter III of the Vienna Convention on Consular Relations.
‼️#Disinformation & fake news on this attack are unacceptable! pic.twitter.com/swybZS0cTj— Albanian MEFA 🇦🇱 (@AlbanianDiplo) March 17, 2022
Kujtojmë se Konsullata e Nderit e Shqipërisë në Kharkiv është shkatërruar nga bombardimet ruse më 7 mars.
Ky akt u dënua ashpër nga Shqipëria e cila ka kërkuar që autorët të mbajnë përgjegjësi./Demokracia.com/