Ministri i Punëve të Brendshme i Kosovës, Xhelal Sveçla është deklaruar edhe njëherë rreth kapjes së spiunes ruse, Daria Aslamova, duke tentuar të hyjë në Kosovë dhe shpalljen e saj non-grata.

Sveçla është shprehur se kjo ka ndodhur në të njëjtën ditë kur është sulmuar Policia e Kosovës dhe vetëm 6 ditë pas incidenteve të së dielës në veri të vendit.

Ai ka thënë se Daria Aslamova është spiune e konfirmuar ruse e angazhuar në propagandë lufte në Ukrainë – dhe kapja e saj duke tentuar të hyjë në Kosovë është dëshmi e pakundërshtueshme e ndërhyrjes së Rusisë në veri të Kosovës.

“Në të njëjtën ditë që policia jonë u sulmua nga bandat kriminale dhe vetëm gjatë ditë pas incidenteve të së dielës, Daria Aslamova, një spiune e konfirmuar ruse e angazhuar në propagandë lufte në Ukrainë, u arrestua duke tentuar të hyjë në Kosovë nga Serbia – dëshmi e pakundërshtueshme e ndërhyrjes së Rusisë në veri të Kosovës”.

The same day our police were attacked by criminal gangs & only six days after Sunday’s incidents, Daria Aslamova, a confirmed Russian spy engaged in war propaganda in ??, was detained attempting to enter Kosova from Serbia-irrefutable proof of ?? interference in the north of ??.

— Xhelal Sveçla (@XSvecla) August 7, 2022

Ai gjithashtu ka treguar se Aslamova është shpallur non-grata për pesë vitet e ardhshme në Kosovë, shkruan lajmi.net.

“Sot në autoritetin tim si Ministër i Punëve të Brendshme, e kam shpallur Daria Aslamovën persona non-grata në Republikën e Kosovës për pesë vitet e ardhshme”.

Today, under my authority as Minister of Internal Affairs, I have declared Daria Asmalova persona non-grata in the Republic of Kosova for the next five years.

— Xhelal Sveçla (@XSvecla) August 7, 2022