Deputetja e Partisë Demokratike të Kosovës, Ariana Musliu-Shoshi ka reaguar pasi Gjykata Kushtetuese e ka shpallë të pavlefshëm Ligjin për Byronë Shtetërore për Verifikimin dhe Konfiskimin e Pasurisë së Pajustifikueshme.

Musliu-Shoshi në Facebook ka shkruar se nuk i ka mbetur asgjë kësaj qeverie, përved dorëheqjes.

“Ligji i dytë kryesor i reformës në drejtësi i dështoj kësaj qeverie e cila thirret në drejtësi por është SHKELËSE serike e Kushtetueses! Nuk i ka mbet gjë tjetër përveç dorëheqjes. Shko Albin!”, ka shkruar ajo në Facebook.

Gjykata Kushtetuese i ka dhënë të drejtë Partisë Demokratike të Kosovës lidhur me Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme, shkruan Gazeta Online Reporteri.net.

Sipas njoftimit të Kushtetueses, është konstatuar se pika 2.1 e paragrafit 2 të nenit 2 (Fushëveprimi) në lidhje me paragrafin 2 të nenit 34 (Shqyrtimi në shkallën e parë) të Ligjit të kontestuar, nuk është në përputhshmëri me paragrafin 1 të nenit 7 [Vlerat] të Kushtetutës dhe paragrafët 1 dhe 2 të nenit 46.