Pasditen e të martës në Kaçanik vëllezërit Hasan dhe Kastriot Berisha u sulmuan me armë.
Plumbave nuk i shpëtoi Hasani, ndërsa vëllai i tij Kastrioti me lëndime të rënda është dërguar në QKUK.
Krimi i ndodhur në vendin “Fushë Pajtimit, përballë Varrezave të Dëshmorëve” ka tronditur banorët të cilët nuk kanë dashur të flasin para kamerave.
Për rastin dha pak detaje policia.
“Nga arma e zjarrit lëndime trupore kanë pësuar dy persona dhe për pasojë në vendngjarje ka ndërruar jetë personi me iniciale H.B (M/K) i moshës 30 vjeçare, vdekjen e të cilit e kanë konstatuar mjekët kujdestar. , ndërsa lëndime të rënda trupore ka pësuar personi i dytë me iniciale K.B (M/K) vjeç 32”, ka deklaruar Kanun Veseli, zëdhënës i Policisë në Ferizaj.
Sipas mjekes kujdestare i plagosuri ndodhet në gjendje të rëndë.
Klan Kosova ishte në fshatin Rekë te familja e të dyshuarit për vrasjen, por aty nuk kanë pranuar të flasin.
Për rastin nuk kanë folur as familjarët e viktimave nga fshati Dubravë të cilët ishin në oborrin e QKUK-së.
Klan Kosova merr vesh se shkak i kësaj tragjedie është një borxh që dorasi ia kishte pasur viktimave.
https://www.youtube.com/watch?v=fYTFPCghx2I