Mediumi britanik “Daily Mail”, ka publikuar një video interesante, ku një qen shihet duke hapur kafazin ku ndodhen disa qenë të tjerë për t’i lënë të lirë, në mënyrë që të luajnë së bashku.

Ngjarja ka ndodhur nga Bangkok të Tajlandës, ka shkruar mediumi, transmeton Gazeta Express.

Qeni me emrin Daisy shihet gjersa kafshon me gojë dorezën për të hapur derën e kafazit, ndërkohë që qentë brenda duken të entuziazmuar sepse presin daljen nga kafazi.

Me hapjen e derës, dy qentë tjerë kërcejnë menjëherë jashtë kafazit dhe fillojnë lojën të lumtur me Daisyn.

Pronari i qenit Ponlapat Pattanapaiboonkul ka thënë se se Daisy është shumë i mençur.

“Ajo e di kur qentë tjerë duan të dalin dhe të futen brenda”, ka thënë ai.