Familjarët e të prekurve nga virusi COVID-19 po ankohen se po u duhet të shpenzojnë shuma të majme për sigurimin e barnave për kurimin e këtij virusi.
Shoqata për Mbrojtjen e Pacientëve i vlerëson si lëmoshë ndihmat që disa komuna po ndajnë për të prekurit nga koronavirusi.
Paracetamol, Fraciparine dhe vitamina të ndryshme janë disa nga ilaçet që po kërkohen për mjekimin e koronavirusit e që shumicën e tyre pacientët po i blejnë vetë derisa çmimi i tyre në barnatoret private sillen nga 0.50 centë deri në 50 euro, raporton RTK.
Trajtimi i sëmundjes COVID-19 zgjat dy deri në tre javë e në disa raste edhe më gjatë.
Që prej 13 marsit të vitit 2020 Kosova ka regjistruar mbi 71 mijë raste me koronavirus.
Trajtimin e kësaj sëmundje e ka vështirësuar edhe më shumë mungesa e sigurimeve shëndetësore.