Ka disa raportime që sugjerojnë se forcat ruse mund të largohen nga termocentrali bërthamor i Zaporizhzhias, tha Petro Kotin, shefi i firmës shtetërore të energjisë bërthamore të Ukrainës.

“Javët e fundit ne po marrim në mënyrë efektive informacionin se janë shfaqur shenja se ata ndoshta po përgatiten të largohen nga uzina”, tha Kotin në televizionin kombëtar.

“Së pari, ka një numër shumë të madh raportimesh në mediet ruse se ia vlen të lirohet uzina dhe ndoshta ia vlen t’i jepet kontrolli i saj Agjencisë Ndërkombëtare të Energjisë Atomike [IAEA]”, tha ai.

“Njeriu fiton përshtypjen se ata po paketojnë valixhet dhe po vjedhin gjithçka që munden”.