Shtëpia e Bardhë tha se do të mbështeste çdo lëvizje të Finlandës dhe Suedisë për t’u bashkuar me NATO-n në përgjigje të pushtimit rus të Ukrainës.

Finlanda konfirmoi se do të bëjë një ofertë më herët të enjten, ndërsa Suedia pritet t’i bëjë jehonë këtij vendimi në ditët në vijim, shkruan Sky News, transmeton Demokracia.com.

Vende të shumta e kanë mbështetur vendimin, duke përfshirë Gjermaninë, Francën dhe tani SHBA-në.

“Ne do të mbështesim një aplikim në NATO nga Finlanda dhe Suedia nëse ato aplikojnë,” tha sekretarja e shtypit e Shtëpisë së Bardhë, Jen Psaki.

“Ne do të respektonim çdo vendim që ata marrin.”/Demokracia.com/