Një zyrtar i lartë i Departamentit të Mbrojtjes së SHBA-së tha se rusët nuk kontrollojnë më të gjithë Kherson, një qytet në Ukrainën jugore, pas kundërsulmit ukrainas, transmeton Demokracia.com.

Ju kujtojmë se Khersoni është qyteti i parë i madh i pushtuar nga rusët. Forcat ruse pushtuan Kherson në javën e parë të agresionit.

“Ne nuk mund të konfirmojmë se kush e kontrollon Khersonin, por çështja është se ai nuk duket të jetë më aq fort në duart ruse si dikur. Ukrainasit po përpiqen ta çlirojnë atë”, tha zyrtari amerikan.

“Vlerësojmë se për Khersonin po zhvillohet një betejë e ashpër”, tha ai.

Nëse Rusia do të humbiste kontrollin e Khersonit, do të ishte një humbje e madhe ushtarake dhe do të ndërlikonte më tej planin e Rusisë për të pushtuar Odessan, një port në bregun e Detit të Zi, përmes Khersonit, tha zyrtari.

“Kjo do të ishte e rëndësishme, kjo është e padiskutueshme”, tha zyrtari. Kremlini mohon se ka humbur kontrollin e plotë mbi Kherson, raporton Sky News. /Demokracia.com/