Maska kundër Covid nuk do të jetë më e detyrueshme gjatë fluturimeve në SHBA.
Ndërsa të gjitha masat pas uljes së rasteve me koronavirus ishin hequr, një rregull kishte mbetur në fuqi, ai i mbajtjes së maskës në aeroplanë.
Por të hënën, Gjykata federale në Florida hodhi poshtë propozimin e Biden për mandatin e maskeve në transportin publik duke e kthyer në opsional mbulimin e fytyrës në aeroplanë dhe brenda aeroporteve.
Nga ana tjetër CDC (Qendra për kontrollin dhe Parandalimin e Sëmundjeve) ende rekomandon që njerëzit të vendosin maskën në transportin publik.