Sport
Shala: Kemi kontaktuar me Ibrahimovic, ende nuk na ka njoftuar me vendimin e tij
Demokracia
15:13 | 19 Janar 2025

Share:

Futbollisti kosovar, Arijon Ibrahimovic është një nga talentat e së ardhmes.

19-vjeçari së fundi është transferuar te Lazio, në formë huazimi nga Bayern Munich.

Ai deri më tani ka përfaqësuar grupmoshat e reja të kombëtares së Gjermanisë, derisa Federata e Futbollit të Kosovës ka nisur kontaktet për t’iu bashkuar ”Dardanëve”.

Menaxheri i Përfaqësueses së Kosovës, Bajram Shala ka thënë se kanë kontaktuar me Arijon Ibrahimovic, por deri tani nuk ka asnjë vendim nga ana e tij, transmeton indeksonline.

“Federata po afron gjithmonë lojtarë të rinj dhe të talentuar, dhe Arijon nuk bën përjashtim! Ne kemi kontaktuar me të, por deri më tani nuk kemi marrë një vendim nga lojtari për t’iu bashkuar Kosovës”, ka deklaruar Bajram Shala në emisionin “A – Play” të ATV-së.

Të ngjashme
Sport • 06 Shkurt 2025