Ish futbollisti i famshëm kosovar, tash trajner Genc Sermaxhaj, i ka bërë një analizë ndeshjeve të Kupës me theks të veçantë befasisë së madhe që Istogu i shkaktoi Gjilanit, duke e eliminuar në 1/8 e Kupës së Kosovës, shkruan Demokracia.com.
Në lidhje me befasitë Sermaxhaj ka bërë një postim në Facebook ku ka shkruar se janë disa faktorë që kanë ndikuar në këtë gjë.
Shkrimi i plotë i Genc Sermaxhajt:
“Ndeshjet e kupës në futbollin kosovar vazhdojnë të jenë të paparashikuara!
Pse ndodh të jetë kështu.
Ndikojnë disa faktorë që X – ekipet mund të humbasin ndeshjen kundrejt një kundërshtari me cilësi më të vogla.
P.sh: Disa nga faktorët e mundshëm:
– Mos përgatitja e mjaftueshme e ekipit (komponimi i ekipit, përgatitja teknike dhe taktike e lojës, mungesat eventuale nga lëndimet etj).
– Motivi i ekipeve të vogla ndaj ekipeve të mëdha.
– Objektivat e ekipeve.
– Nënvlerësimi i kundërshtarit.
– Trajner cilësor në ekipe jo cilësore dhe e kundërta.
– Ndeshja e parë zyrtare pas pushimit mes-sezonal e të tjera si këto.
Në një ndeshje ku përballen të mëdhenjët, vendosin detajet për humbje ose fitore. Por të humbet i madhi nga i vogli, asnjë nga faktorët e lartpërmendur nuk arsyetohen”. /Demokracia.com