Yjet e dramës Bridgerton të periudhës kanë falënderuar adhuruesit pasi Netflix njoftoi se shfaqja ishte bërë “seriali i saj më i madh ndonjëherë”, transmeton Demokracia.com

Gjigandi i transmetimit tha se 82 milion familje në të gjithë botën u akorduan në shfaqje në 28 ditët e para të saj në internet, duke tejkaluar parashikimet e vetë produksionit.

Shfaqja arriti vendin e parë në 83 vende, duke përfshirë SHBA, MB, India, Franca dhe Brazili.

Aktorja e serialit, Phoebe Dynevor e përshkroi lajmin si “çmenduri”.

“Unë jam shumë krenare për ekipin e pabesueshëm që qëndron pas kësaj shfaqje! Dhe faleminderit shumë që e pëlqeni”, shkroi aktorja 25-vjeçare, e cila luajti Daphne Bridgerton.

Regé-Jean Page, performanca e të cilit si Duka i Hastings fitoi adhurues në të gjithë botën, gjithashtu festoi lajmin.

Seriali është përshtatur nga një seri romanesh historikë romantikë nga autorja Julia Quinn, drama ndjek anëtarët e familjes Bridgerton në shoqërinë e lartë të Londrës në vitet 1800.

Por ishin marrëdhiet romantike të Page dhe Dynevor, që i bënë adhuruesit të entuziazmohen përderisa skenat e shumta të seksit nuk u panë mirë nga disa të tjerë.

Prodhuesja ekzekutive Shonda Rhimes u vlerësua gjerësisht për përzgjedhjen, ku aktorët me ngjyrë ishin në llojin e roleve historike që plotësoheshin tradicionalisht nga aktorë të bardhë.

Shfaqja u krijua për audiencën e sotme Gen Z dhe është përshkruar si një Gossip Girl e epokës së Regjencës./Demokracia.com