Asambleja e Përgjithshme e OKB-së votoi për përjashtimin e Rusisë nga Këshilli i të Drejtave të Njeriut. Raportet e “shkeljeve të rënda dhe sistematike të të drejtave të njeriut” nga trupat ruse në Ukrainë u përmendën si arsye formale për dëbimin e Rusisë, transmeton Demokracia.com.

Për dëbimin e Rusisë votuan 93 vende, 24 ishin kundër dhe 58 abstenuan.

Serbia votoi për përjashtimin e Rusisë nga Këshilli i të Drejtave të Njeriut, ashtu si Kroacia, Shqipëria, Bosnja dhe Hercegovina, Sllovenia, Hungaria dhe Mali i Zi. /Demokracia.com/