Asociacioni Frankofon i Gjykatave Kushtetuese (ACCF), ka refuzuar pranimin e Kushtetueses së Kosovës, në kongresin e mbajtur në Dakar të Senegalit.

Drejtor i Zyrës për Komunikimin dhe Informimin në Kushtetuese, Veton Dula tha për Demokracia.com se Kushtetuesja ka dorëzuar kërkesë për anëtarësimin në Asociacionin Frankofon të Gjykatave Kushtetuese  vitin e kaluar.

Ai tha më tej se kjo është hera e parë që Gjykata Kushtetuese ka aplikuar në ACCF.

“Gjykata Kushtetuese ka dorëzuar kërkesën për anëtarësim në Asociacionin Frankofon të Gjykatave Kushtetuese (ACCF) fundvitin e kaluar dhe kjo është hera e parë që Gjykata aplikon në këtë asociacion. Në Kongresin e 9-të të ACCF-së, mbajtur në Dakar të Senegalit, më 1 qershor 2022, përkundër numrit të madh të votave të fituara, kërkesa e Gjykatës për anëtarësim megjithatë këtë herë nuk u mbështet nga numri i domosdoshëm i gjykatave anëtare, me një ndryshim minimal të votave për dhe kundër”, tha Dula për Demokracia.com.

Për mospranimin e Kushtetueses së Kosovës kishte lobuar Gjykata Kushtetuese e Serbisë.

Sipas mediave në Serbi, në Asamblenë e Përgjithshme të ACCF-së të mbajtur në Dakar, Kushtet e Serbisë kanë argumentuar se pse kushtet e Kosovës nuk janë kushtet për pranim në Asociacion.

Shoqata e Gjykatave Kushtetuese Frankofone është krijuar më 1997 si iniciativë e gjuhëve të huaja të Francës për të raportuar mes anëtarëve të frëngjishtfolëse.

Në vitin 2019 ndërroi emrin. Tani ka 50 anëtare nga Afrika, Evropa, Amerika e Azia. Asambleja e përgjithshme çdo tre vjet. Anëtari është edhe Shqipëria./Demokracia.com/