Sekretarja e Jashtme e Mbretërisë së Bashkuar, Liz Truss, e cila ditë më parë kishte kërkuar që të armatosen edhe vendet e Ballkanit Perëndimor, sot ka qëndruar në Bosnje e Hercegovinë ku përveç sigurisë në rajon foli edhe për luftën e Ukrainës.
Truss shfrytëzoi fjalimin drejtuar Forcave të Armatosura të Bosnjë dhe Hercegovinës për të folur kundër manovrimeve ruse në vendin ballkanik dhe u kërkoi partnerëve të vazhdojnë të rreshtohen pas Ukrainës.
“Ndërsa Rusia ndërhyn këtu, trupat e Putinit po kryejnë mizori vetëm 700 milje (1127 km) larg, në Ukrainë. Populli i Ukrainës ka nevojë për mbështetjen tonë”, tha Truss.
Për vizitën e saj në Bosnje, Truss në Twitter shkroi se duhet marrë mësim nga historia, derisa u zotua për sigurinë e rajonit.
“Mbretëria e Bashkuar është e përkushtuar ndaj paqes dhe sigurisë në Ballkanin Perëndimor, përballë ndikimit malinj rus”.
In Sarajevo meeting Bosnia and Herzegovina Foreign Minister @BiseraTurkovic. I welcome their strong support for Ukraine.
We must all learn the lessons of history. The UK is committed to peace and security in the Western Balkans, in the face of Russian malign influence. ???? pic.twitter.com/PFRUUkC4rj
— Liz Truss (@trussliz) May 26, 2022