Ministri i Shëndetësisë i Kosovës, Rifat Latifi sot tha se mjekësia nuk bëhet brenda natës dhe as nuk pritet të bëhet në dy vjetët e ardhshme, duke theksuar se i duhen 5-10 vjet për të ndryshuar shëndetësinë.

Ndaj një deklarate të tillë, ka reaguar kryetari i Odës së Mjekëve të Kosovës (OMK), Pleurat Sejdiu. i cili tha se duhet të veprohet menjëherë duke u koncentruar në atë se çfarë duhet të bëhet brenda një viti.

Sejdiu përmendi edhe tri arsyet pse po ikin mjekët nga Kosova.

“Tash e katër vjet kemi bë analiza të gjejmë shkakun pse po largohet e ardhmja. Një, kushtet e punës, dy- kushtet e avancimit profesional dhe e treta çdoherë paga. Dhe tash e 4 vjet asgjë nuk është bë”, tha kryetari i OMK-së, për RTV21.

Sejdiu theksoi se ikja e mjekëve është shqetësuese duke bërë të ditur se vetëm sivjet 172 mjekë të rinj dhe 60 mjekë me përvojë mbi 20 vjeçare janë larguar nga Kosova.

“Ndërsa, janë edhe 650 mjekë të papunë. Këta mjekë nuk munden me pritë 5-10 vjet”, tha ai.

Ndryshe, në një konferencë për media pas takimit që pati me euro-deputetin Lukas Mandl, ministri Latifi tha se sistemi i kujdesit shëndetësor ka nevojë për një partneritet solid me institucionet evropiane.

Ai tha se tashmë kanë vizion të qartë sesi do të duket sistemi shëndetësor pas 5-10 vjetët e ardhshme.

“Qeveria e Republikës së Kosovës është ofruesi kryesor i shërbimeve shëndetësore në vend… Përderisa ka pasur njëfarë progresi për 23 vjet, që nga përfundimi i luftës ende ka nevoja të mëdha të kujdesit shëndetësor të paplotësuar.

LEXO EDHE:

Ministri Latifi u jep “gajret” kosovarëve, thotë se duhen 5-10 vjet për ta përmirësuar shëndetësinë