Anëtari i Kryesisë së LDK-së, Muhamet Hamiti, ka ironizuar me deklaratën e kryeministrit Albin Kurti, i cili ka thënë se Qeveria e tij nuk e ka premtuar liberalizimin e vizave, por e ka realizuar atë.
Ai ia ka përmendur kryeministrin masat ndëshkuese të BE-së ndaj Kosovws.
Në profilin e tij në “Facebook”, Hamiti ka shkruar se Qeveria Kurti nuk i ka premtuar këto masa, por i ka realizuar.
“Nuk i premtuan, por i realizuan! Kosova nën sanksione ndërkombëtare të miqve dhe të aleatëve tradicionalë, perëndimorë. Për herë të parë në historinë e vet në kohën e Qeverisë Kurti. Nisën më 2023, vazhdojnë më 2024. Dëmet qindra milionë euro deri tani”, ka shkruar Hamiti.