Eurostat ka publikuar së fundmi të dhënat në lidhje pe çmimet e tokave bujqësorë në Europë.

Ndër vendet anëtare të BE-së, Holanda regjistroi çmimin më të lartë të blerjes për një hektar tokë të punueshme, mesatarisht 69 632 € në 2019. Çmimi i tokës së punueshme në çdo rajon të Holandës ishte mbi të gjitha mesataret e tjera kombëtare të disponueshme në BE. Sidoqoftë, midis rajoneve të BE-së për të cilat disponohen të dhëna, çmimet më të larta për tokën e punueshme ishin në rajonin spanjoll të Ishujve Kanarie, mesatarisht 120 477 € për hektar në 2020.

Toka e punueshme ishte më e lira në Kroaci, me një hektar që kushtonte mesatarisht 3 440 € në 2020. Në nivel rajonal, një hektar tokë e punueshme kushtonte më pak në rajonin jugperëndimor Yugozapaden të Bullgarisë mesatarisht 2 051 €.

Niveli i çmimeve të tokës varet nga një sërë faktorësh, qofshin ata kombëtarë (ligjet), rajonalë (klima, afërsia me rrjetet) dhe faktorë të lokalizuar të produktivitetit (cilësia e tokës, pjerrësia, kullimi etj.) si dhe nga forcat e tregut të oferta dhe kërkesa (duke përfshirë ndikimin e rregullave të pronësisë së huaj), shkruan scan.

Në të gjitha rajonet e BE-së për të cilat ka të dhëna të disponueshme, blerja e tokës së punueshme ishte më e shtrenjtë se blerja e tokave me bar të përhershëm (deri në 20 herë më e shtrenjtë në ishujt grekë të Egjeut të Veriut (Voreio Aigaio) dhe në rajonin spanjoll të Murcias). Po kështu, blerja e tokës së punueshme të ujitshme ishte më e shtrenjtë se toka e punueshme e paujitshme në pothuajse të gjitha rajonet (ishte pothuajse gjashtë herë më e shtrenjtë në rajonin spanjoll të Murcias).