Ambasadori rus në Bosnjë dhe Hercegovinë, Igor Kalbukhov deklaroi se Moska do të reagojë në rast se vendi do të përpiqet të anëtarësohet në NATO.

Në një intervistë për FTV, ambasadori Kalbukhov, tha se Bosnja mund “të vuajë të njëjtin fat si Ukraina” nëse kërkon të bëhet anëtare e NATO-s.

Lidhur me këtë ka reafuar ambasada e SHBA-së ka reaguar duke thënë se kjo lloj retorike është “e rrezikshme, e papërgjegjshme dhe e papranueshme”.

“Nëse Bosnja dhe Hercegovina vendos të jetë anëtare e ndonjë aleance, kjo është një çështje e brendshme. Asnjë palë e tretë nuk ka fjalë në marrëveshjet e sigurisë ndërmjet NATO-s dhe vendeve sovrane. Ne do të vazhdojmë të qëndrojmë me vendosmëri në krah të Bosnjë-Hercegovinës, ndërsa ajo ndërmerr hapat e nevojshëm për të siguruar vendin e saj në komunitetin euro-atlantik të kombeve”, thuhet në njoftimin e Ambasadës Amerikane në “Twitter”.