Kariņš ,një ish-kryeministër letonez dhe kandidat i vetëshpallur për të kryesuar NATO-n, i tha “Financial Times” se Rusia kishte një “ideologji të nxitur nga imperializmi”, që do të thoshte se kërcënimi nga Moska do të vazhdonte edhe nën një president të ri ose nëse Ukraina do të rifitonte gjithçka.

“Rusia nuk do të ndalet, Rusia vetëm mund të ndalet. Ndalimi i Rusisë në Ukrainë nuk do të thotë se ka mbaruar. Kjo thjesht do të thotë se ne do të duhet të vazhdojmë. Kjo është ajo që është e rëndësishme për NATO: që ne do të duhet të punojmë në një strategji afatgjatë të përmbajtjes së Rusisë”.

Shtetet baltike dhe Finlanda janë në vijën e parë midis NATO-s dhe BE-së nga njëra anë dhe Rusisë nga ana tjetër, dhe kanë shtuar paralajmërimet e tyre se presidenti rus, Vladimir Putin, nuk ka gjasa të kufizohet vetëm në Ukrainë.

Letonia, së bashku me Estoninë dhe Lituaninë, ka rritur në mënyrë dramatike shpenzimet ushtarake gjatë viteve që kur Rusia aneksoi Krimenë në 2014.

Ajo synon të shpenzojë 3 për qind të PBB-së për ushtrinë e saj deri në vitin 2027, duke tejkaluar objektivin e NATO-s prej 2 për qind.

Kariņš tha se NATO-s i duhej të rriste kapacitetin dhe “ndërveprueshmërinë” e industrisë së saj të mbrojtjes për të siguruar që sistemet e ndryshme të armëve të standardizoheshin dhe të lejonin ndarje më të madhe të municioneve dhe artilerisë midis aleatëve.

Deti Baltik – në të cilin ka akses edhe Rusia – do të bëhet një “liqen i NATO-s” sipas Kariņš, pas pranimit të Finlandës dhe Suedisë në aleancë.

Finlanda u bashkua me prillin e kaluar, duke u bërë anëtari i 31 -të i NATO -s, por pranimi i Suedisë është vonuar nga Turqia dhe Hungaria.

Diplomatët nordikë kanë sugjeruar privatisht se Finlanda dhe Suedia mund të dërgojnë trupa në Letoni si pjesë e grupeve të avancuara të betejës të NATO-s për shtetet e vijës së parë.