Rusia ka vënë veton ndaj rezolutës së Këshillit të Sigurimit të Kombeve të Bashkuara të premten në mbrëmje, me të cilën dënohej pushtimi i Ukrainës.
Votimi në Këshill pati 11 vota pro, një kundër dhe tri abstenime, përfshirë Kinën.
Rusia si anëtare e përhershme ka të drejtën e vetos.
Me rezolutë Këshilli i Sigurimit synonte të kërkonte tërheqjen e menjëhershme dhe të pakusht të trupave ushtarake ruse nga Ukraina.
“Mund të vëni veton ndaj rezolutës, por jo ndaj zërave tanë”, i ka thënë ambasadorja e SHBA-së në Kombet e Bashkuara, Linda Thomas-Greenfield përfaqësuesit rus. “Nuk mund t’ia vini veton popullit ukrainas”.
Si votuan shtetet në Këshill të Sigurimit për rezolutën kundër Rusisë, befason Kina
SHBA dhe Shqipëria kanë propozuar një rezolutë që dënon agresionin rus ndaj Ukrainës në Këshill të Sigurimit të OKB-së.
Më poshtë është lista e votimit të shteteve:
PRO
– SHBA
– Britania e Madhe
– Franca
– Norvegjia
– Irlanda
– Shqipëria
– Gaboni
– Meksika
– Brazili
– Gana
– Kenia
Kundër
– Rusia
Abstenim
– Kina
– India
– Emiratet e Bashkuara Arabe
