Tifozi ukrainas i klubit anglez, Manchester United është vrarë sot nga forcat ruse gjatë luftimeve në Ukrainë.
Oleksandr Kukin, ishte njëri nga themeluesit e “Kiev Reds”, grup ky që i përfaqësonte tifozët e Man United në Ukrainë, shkruan Demokracia.com.
Kukin ishte në veturën e tij kur u qëllua për vdekje nga forcat ruse që kanë pushtuar Ukrainën tash afër një muaj.
Manchester United ka reaguar përmes një komunikate të lëshuar, ndërsa janë shprehur të pikëlluar për vrasjen e tifozit të tyre.
“Manchester United është thellësisht i pikëlluar kur mësoi për ndarjen nga jeta të Aleksander Kukin, një prej anëtarëve themelues të klubit të tifozëve të Kievit Reds”, thuhet në komunikatën e klubit anglez.
The United family joins our #KyivReds in mourning the sad loss of Aleksander Kukin.
May he rest in peace ❤
— Manchester United (@ManUtd) March 21, 2022
Agresioni në Ukrainë ka marrë jetën e një numri të konsiderueshëm të sportistëve, përfshirë futbollistë e sportistë të njohur ukrainas./Demokracia.com/