Lajme
Rukiqi: VV-ja po manipulon me statistikat e investimeve të huaja, po i përdor për krahasim muajt që i konvenojnë
Demokracia
09:53 | 05 Shtator 2023

Share:

Ish-Kryetari i Odës Ekonomike të Kosovës, tash zyrtar Lidhjes Demokratike të Kosovës, Berat Rukiqi, ka drejtuar akuza në drejtim të Lëvizjes Vetëvendosje, duke thënë se po manipulojnë me shifrat për Investimet e Huaja Direkte.

Rukiqi ka thënë se VV-ja po i përdor për krahasim muajt që ju kanë konvenuar më shumë.

Sipas Rukiqit, Qeveria Kurti është qeveria me performancën më të dobët në realizimin e investimeve kapitale.

“Nje qeverie, me performancen me te dobet ne realizimin e investimeve kapitale, qe nuk ka arritur te nis asnje projekt te rendesishem per ekonomine e vendit, e per me shume e ka perkeqesuar rejtingun e Kosoves per investime te jashtme, duke prodhuar kriza te vazhdueshme, e vetmja rruge per te treguar ndonje “sukses”, eshte tentaviva per manipulim, me statistika te paqendrueshme dhe grafikone te hiperbolizuara.

Kontributi me i rëndësishëm i këtij pushteti në ekonominë e vendit janë prodhimi i videove propaganduese dhe infografikes me manipulime statistikore”, ka shkruar Rukiqi.

Ndryshe, VV-ja ka publikuar dje një infografikë, ku ka thënë se po rriten investimet direkte.

“Afër +70 milionë euro më shumë investime të huaja direkte në Kosovë këtë katër mujorin e parë krahasuar me katër mujorin e vitit të kaluar”, thuhet në postimin e VV-së.

Postimi i plotë:

Të ngjashme