Një mundësi e artë për të nisur karrieren si dizajner! Një ftesë për të gjithë të rinjtë e talentuar në mbarë trojet shqiptare, në projektin që bashkon tradicionalen dhe modernen në fushën e modës.

Në kuadër të Tiranës si Kryeqytet Europian i të Rinjve 2022, Unioni i Bashkive shqiptare në Rajon ka lancuar dje projektin “MUZA COMPETITION”.

“MUZA COMPETION”, një projekt i ideuar nga Drejtoresha Ekzekutive e Unionit të Bashkive Shqiptare në Rajon, Andriola Kambo dhe producentja dhe moderatorja Rudina Magjistari, të cilat prezantuan projektin dedikuar të gjithë të rinjve pasionantë dhe profesionistë, në rijetëzimin e elementeve etnografikë në fushën e fashion-dizajnit.

Këtë herë të gjitha mendjet “youth” do të jenë pjesë këtij kompeticioni që mbart vlerat e kostumografisë dhe detajeve artizanale shqiptare.

“Muza Competiton” i dedikohet të rinjve nga mosha 18-35 vjec nga gjithë qytetet shqipfolëse të rajonit të Ballkanit Perëndimor, për t’u ofruar atyre një spektër më të gjerë mundësish profesionale që synojnë nxitjen e punësimit në ekonomitë krijuese, nxitjen e krijimit të bizneseve start-up në këtë fushë, apo zgjerimin e bizneseve.

Tirana Kryeqyteti Europian i Rinisë 2022 do të jetë një stimul për të shfaqur më të mirën.

Projekti do te kalojë në 3 faza dhe aplikantet më të mirë do të përzgjidhen nga juria e përbërë nga anëtarët si më poshtë:

Fadil Berisha, Aferdita Onuzi, Emina Çunmulaj, Valdrin Sahiti, Enada At’Nikolla dhe Helidon Haliti.

Për më shumë informacion rreth projektit dhe aplikimit në konkursin “Muza Competiton” mjafton të klikoni në këtë link: https://muzacompetition.com/.