Auto&Tech
Rrjeti social X vendos ti bëjë pëlqimet private për të gjithë përdoruesit
Demokracia
08:44 | 13 Qershor 2024

Share:

Falë X që tregonte se çfarë përdoruesit e saj pëlqenin në platformë, politikanët dhe personalitetet shpeshherë janë “zënë mat”.

Tani platforma ka vendosur ti bëjë pëlqimet private sipas shefit të kompanisë Elon Musk. Është një ndryshim i rëndësishëm ku njerëzit mund të pëlqejnë postime të ndryshme pa u bërë shënjestër.

Fillimisht ky funksionalitet ishte i disponueshëm vetëm për përdoruesit me pagesë në planin Premium. Përmes një cicërime të fundit, llogaria e inxhinierisë së X zbuloi se rrjeti social ka vendosur që brenda kësaj jave ti bëjë postimet private për të gjithë.

Përdoruesit nuk do të mund të shohin kur dikush tjetër pëlqen një postim të dikujt tjetër në platformë. Ata mund të shohin kush ka pëlqyer cicërimat e tyre së bashku me numrin e pëlqimeve dhe statistika të tjera të tyre.

Lançimi i këtij funksionaliteti në një farë mënyrë eliminon një arsye për të paguar për përdorimin e X. Plani Premium+ kushton 16 dollarë në muaj dhe eliminon ndër të tjera edhe reklamat. Sakaq plani më i lirë kushton 3 dollarë në muaj i cili nuk ka as edhe etiketën e verifikimit.

/PCWorld Albanian

Të ngjashme
Auto&Tech • 17 Korrik 2024