Njohësit e çështjeve ekonomike në Kosovë, vlerësojnë se rritja ekonomike prej 7.9% sipas ministrit Hekuran Murati është e paarritshme, duke marr për bazë premisat e Bankës Botërore.

Ky reagim vije pas paralajmërimit të këtij te fundit për rritjen ekonomike në vend prej 7.9%.

Ish-kryetari i Odës Ekonomike të Kosovës (OEK), Safet Gërxhaliu për Klankosova.tv është shprehur se edhe pse kohëve të fundit ka të hyra të mira, ato gjithsesi nuk mjaftojnë.

E këtë nismë si jo të arritshme po e konsideron po ashtu edhe Kryetari i Aleancës Kosovare të Bizneseve, Agim Shahini duke pohuar se nuk mund të shkohet me rritje më të madhe ekonomike se 4 për qind, apo katër e gjysmë.

Edhe pse Shahini thotë se do të dëshironte të ishte gabim në këtë parashikim, por që sipas tij fondi monetar e as Banka Botërore nuk parashohin diçka të tillë.