Qeveria shqiptare ka miratuar sot vendimin për rritjen e pagës minimale dhe të pensioneve.

Lajmin e ka dhënë ministrja e Ekonomisë dhe Financave Delinda Ibrahimaj pas mbledhjes së qeverisë. Paga minimale, sipas vendimit të fundit, shkon nga 32 mijë në 34 mijë lekë të vjetra.

“Nga ky vendim perfitojnë pensionistët, të cilët nga pensionet që do marrin në muajin tetor do të kenë një rritje të pensioneve në nivelin 9.5%. Paga minimale bëhet 34 mijë lekë. Ky është një vendim që prek mbi 200 mijë të punësuar nga kjo VKM e Këshillit të ministrave. Rreth 900 mijë përfitojnë nga rritja e pensioneve dhe rritja e pagës minimale, vendime që u morën sot ”, tha ajo.