Numri i votave të pavlefshme nga diaspora, që sipas organizatës joqeveritare GERMIN, deri më tani ka arritur në 7 mijë e 670, ka bërë të që reagojë Lëvizja Vetëvendosje, shkruan Demorkacia.com.
Zëdhënësi i këtij subjekti politik, Përparim Kryeziu, përmes një postimi në profilin e tij zyrtar në rrjetin social Facebook, ka thënë se duke e parë këtë situatë duhet të ndryshohet mënyra e votimit nga jashtë.
Sipas tij, me t’u formuar institucionet, Lëvizja Vetëvendosje ndër hapat e parë që do të ndërmarrë në Kuvendin e Kosovës do të jetë ndryshimi i ligjit për zgjedhje, në mënyrë që sipas tij, mërgata të mund të votojë nëpër ambasada apo konsullata.
“Me t’u formuar institucionet, ndër hapat e parë që Lëvizja VETËVENDOSJE! do të ndërmarrë në Kuvend është ndryshimi i ligjit ashtu që mërgata të ketë të drejtë të votojë edhe në ambasada dhe konsullata të Republikës së Kosovës. Bashkatdhetarët janë qytetarë të Republikës. Ata janë pjesë e pandashme e zhvillimit të vendit dhe vendimmarrjes në vend”, ka shkruar ndër të tjerash Kryeziu.
Numri i madh i raportuar i votave të pavlefshme nga mërgata është dëshmia përfundimtare që procesi i votimit nga jashtë…
Posted by Perparim Kryeziu on Monday, February 22, 2021