Ministrja e Industrisë, Rozeta Hajdari, prillin e këtij viti ishte përfshirë në një aksident trafiku.
Demokracia.com kishte raportuar ekskluzivisht se ministrja Hajdari e kishte goditur një fëmijë me veturën e saj personale.
Ditën kur ishte raportuar për aksidentin, ajo ishte munduar ta fajësojë të miturin se i ishte përplasur për veture asaj.
Po atë ditë, Demokracia.com e demantoi me fakte, duke publikuar raportin e brendshëm të Policisë që tregonte se ajo ishte fajtore.
LEXO EDHE:
“Unë nuk e kam ditur se duhet ta njoftojë opozitën, por e kam ditur se duhet ta njoftoj Policinë”, ka thënë Hajdari në Kanal 10.
“E lash motrën në veturë, e thirra Policinë dhe shkova pas vajzës me kuptua çka ka ndodh. Takova nënën e saj, e thirrëm emergjencën. Kam dhënë deklaratë në Polici dhe tash është në duar të Policisë”, ka thënë ajo.
Hajdari është shprehur e sigurt se nuk e ka tejkaluar shpejtësinë në momentin e aksidentit.
“Fëmija është ndeshur në derën time, jo përpara. Rastin duhet ta vërtetojë Policia, tash është puna e tyre”, ka thënë ajo.
Ministrja ka thënë se e ka përjetuar rëndë aksidentin.
“Kam qenë tejet e shqetësuar. Nuk kisha dashtë të lëshohem në elaborime të tjera”, ka shtuar Hajdari. /Demokracia.com/
LEXO EDHE:
