ShowBiz
Rrëfimi për betejën me tumorin në gji, Nita Latifi: Iu kërkoj falje banorëve nëse iu kam shkaktuar stres
Demokracia
22:28 | 24 Janar 2023

Share:

Një nga konkurrentet e Big Brother VIP Albania, Nita Latifi, ka shkaktuar diskutime për shkak të rrëfimit me betejën e kancerit të gjirit.

Gjatë qëndrimit në shtëpi, Nita ndjeu disa shqetësime dhe iu nënshtrua disa analizave, përgjigjet e të cilave treguan se momentalisht ka një gjendje stabile.

Në natën Prime, ajo falënderoi banorët për kujdesin dhe i kërkon falje nëse u ka shkaktuar stres.

 

“Fillimisht ju falënderoj për kujdesin që keni treguar ndaj meje, ka qenë e papritur për mua por është gjithmonë me mua, pritja që mund të më ndodhë sërish është shumë e madhe. I falënderoj të gjithë që më kanë ndenjur afër, arsyeja kryesore pse e kam treguar është se kam pasur nevojë për mbështetje dhe empati këtu, jam e sigurt që i kam dhënë stres banorëve dhe i kërkoj falje të gjithëve por dita-ditës nuk mundesh me mbajt çdo gjë për vete, kam pas Diolën afër dhe në momentin që kam pas shtrëngime Diola më ka vënë re, kur e kam parë dritën e gjelbër prej doktoreshës u ktheva me I tregu një lajm të mirë të gjithë banorëve, ndoshta nuk e gjeta mbështetjen mjaftueshëm por unë kjo jam”, u shpreh ajo.

“Personat që nuk më mbështeten, Luizi ka qenë direkt me mua, më është dukur i padrejtë reagimi i menjëhershëm. I pres të gjitha reagimet, gjithsecili ka të drejtë me mëndu si të duan, Olta tha se nuk e shoh më si lojtare. Unë isha shumë e lumtur gjatë kohës që u ktheva në shtëpi, më shqetësoi shtrëngimi dhe doja ta dija çfarë do të ndodhte. Nuk kisha dashur as penalizim as favorizim”, tha më tej Nita.

 

Artistja nga Kosova zbuloi se është diagnostikuar me tumor në gji para një viti e gjysmë. 

Të ngjashme