Policia e Kosovës ka arrestuar tre persona pasi që janë rrahur mes vete në Deçan.
Në raportin e Policisë thuhet se të dyshuarit janë rrahur si pasojë e dëmtimit të një varreze nga njëri prej të dyshuarve.
“DËMTIM I VARREZAVE – SULM/Deçan 12.03.2023-13:30. Janë arrestuar tre të dyshuar meshkuj kosovarë pasi që të njëjti janë rrahur mes vete si pasojë e dëmtimit të një varreze nga njëri prej të dyshuarve”, thuhet në raportin e PK-së.
Të dyshuarit janë intervistuar dhe me vendim të prokurorit, njëri prej tyre është dërguar në mbajtje ndërsa dy të tjerë janë liruar në procedurë të rregullt. /Demokracia.com/