Ky është momenti rrëqethës kur roboti humanoid sulmon turmën në një festival në Kinë.

Videoja e filmuar më 9 shkurt, shfaq robotin me formën e njeriut – i veshur me një xhaketë, prezantohet para turmës që qëndronte prapa rrethojave në festivalin e organizuar në Tianjin në verilindje të Kinës.

Një lëvizje e tij e pakontrolluar, detyroi sigurimin që ta tërhiqnin zvarrë mbrapa nga frika se mund të lëndojë dikë, transmeton Telegrafi.

Organizatorët e eventit e kanë përshkruar incidentin si “dështim robotik”. Madje shtuan se roboti kishte kaluar më herët testet e sigurisë, dhe se kanë marrë masat e nevojshme që të mos përsëritet një gjë e tillë.

Shumë kanë shprehur brengën lidhur me ndikimin që mund të kenë makineritë në jetën e njerëzve.

Në dhjetor, një inxhinier i Tesla u sulmua nga një robot, si pasojë e një defekti teknik në fabrikën e kompanisë në Teksas. /Telegrafi/