Përveç ndeshjes në fushë, rivalitet në kryendeshjen mes Prishtinës dhe Ballkanit do të ketë edhe në tribuna të dielën mbrëma me fillim nga ora 20:00 në stadiumin “Fadil Vokrri” në Prishtinë.
Mobilizimi i madh i tifogrupit kryeqytetas “Plisat” ka nisur prej ditësh për sfidën e javës së pestë kampionale në elitën e futbollit kosovar, raporton Demokracia.com.
Përballë “bardhekaltërve” do të jenë edhe tifozeria suharekase “Xhebrailat” të cilët do të udhëtojnë në Prishtinë.
Lajmin e kanë konfirmuar në faqen zyrtare të tifogrupit në rrjetet sociale.
Tifogrupi nga Suhareka ka qenë mjaft aktiv kohëve të fundit, duke përkrahur Ballkanin në ndeshjet kualifikuese në Ligën e Konferencës, aty ku ekipi i Ilir Dajës ka shkruar historinë duke u kualifikuar në fazën e grupeve.
Prishtina pas tri xhirove të zhvilluara ka tubuar shtatë pikë dhe renditet në pozitën e dytë. Ballkani ka gjashtë pikë dhe zë vendin e dytë pas vetëm dy xhirove të zhvilluara./Demokracia.com/