Këngëtarja shqiptare me famë botërore, Rita Ora, ka paralajmëruar rikthimin e saj në skenën muzikore me projektin më të ri, këngën “Heat”.
Artistja, e cila prej prej më shumë se një dekade e gjysmë është pjesë e industrisë muzikore ndërkombëtare, ka ndarë me ndjekësit një pjesë të këngës përmes një videoje në TikTok, ku shfaqet në një atmosferë tejet verore dhe sensuale.
Kënga, që në dëgjimin e parë i përket zhanrit pop-dance me ndikime elektronike, përmban ritme të shpejta dhe motive verore që e bëjnë ideale për sezonin që po vjen. Me energji pozitive dhe një refren të kapshëm, “Heat” pritet të jetë një tjetër hit në repertorin tashmë të pasur të Ritës.
Pjesë e paralajmërimit ishte edhe një klip i shkurtër nga videoja muzikore, ku Rita Ora shfaqet me veshje të guximshme dhe në skena që përcjellin sensualitet dhe stil të theksuar veror. Klipi përmban ngjyra të forta, ndriçim tropikal dhe një estetikë që e bën videon tërheqëse dhe dinamike.
Në përshkrimin e videos, këngëtarja ka shkruar: “SIGN UP FOR THE HEATWAVE 🌡️ #NewMusic”, që në shqip përkthehet si: “Regjistrohuni për valën e të nxehtit 🌡️ #MuzikëeRe”, duke lënë të kuptohet se projekti i ri do të sjellë shumë “nxehtësi” – si në kuptimin figurativ të stilit dhe intensitetit, ashtu edhe si atmosferë verore.
SIGN UP FOR THE HEATWAVE 🍦🌡️ #NewMusic ♬ Heat – Rita Ora
Rita Ora, e cila vazhdon të jetë një ndër emrat më të suksesshëm të muzikës pop në arenën ndërkombëtare, me këtë projekt dëshmon edhe një herë aftësinë e saj për të sjellë hite që i rezistojnë kohës dhe që ndihen të freskëta në çdo stinë.
