Që në kohërat e lashta, janë vlerësuar vetitë e fikut dhe kombinimit të tij me qumështin si kurë natyrale për shumë sëmundje.
Para se t’ju zbulojmë recetën e kësaj kure, po ju tregojmë më shumë për vlerat shëndetsore të fiqve, qofshin të tharë apo të freskët, transmeton Demokracia.com
Fakti që janë të pasur me fibra dietale, bën që fiku të ketë efekt laksativ në organizmin tuaj, duke e bërë këtë frut ideal për të qenë pjesë e dietave tuaja.
Poashtu, në rast se ju keni alergji ndaj produkteve të bylmetit, atëher fiqtë janë alternativa e duhur për ju, sepse fiqtë përmbajnë sasi të mëdha të kalciumit.
Fiku rregullon edhe tensionin e gjakut dhe prania e acideve yndyrore omega-3 dhe omega-6 ndihmon në parandalimin e atakut në zemër dhe mirëmbajtjen e tensionit të gjakut
Prania e vitaminës C tek fiqtë zbardh lëkurën e fytyrës dhe i jep asaj shkëlqim dhe shëndet.
Fiqtë janë të këshillueshëm edhe për problemet me gjumin sepse përmbajnë tryptophan.
Për më tepër, vitamina B6 tek fiqtë vjen në ndihmë nëse vuani nga të përzierat e mëngjesit.
Receta me fiq të thatë dhe qumësht
Për këtë recetë mjaftojnë 2-3 fiq të thatë, të cilët copëtojini dhe futini në një xhezve ku keni hedhur një gotë qumësht. Lërini të ziejnë për 5-6 minuta.
Më pas largojeni nga zjarri dhe konsumojeni të ngrohtë ndërkohë copat e fiqve të thatë, i hani gjithashtu.
Rekomandohet që të konsumohet një orë para se të flini./Demokracia.com