I dërguari gjerman për rajonin e Ballkanit Perëndimor, Manuel Sarrazin, ka reaguar pas arritjes së marrëveshjes mes Kosovës dhe Serbisë për çështjen e dokumenteve.

Sarrazin përmes një postimi në rrjetin social “Twitter”, ka falënderuar emisarin special të BE-së për dialogun, Miroslav Lajcak, si dhe të dërguarin e posaçëm amerikan për Ballkanin Perëndimor, Gabriel Escobar për mbështetjen dhe koordinimin.

“Faleminderit Miroslav Lajcak dhe Gabriel Escobar për mbështetjen dhe koordinimin. Lajme te mira”, ka shkruar Sarrazin.

Thank you @MiroslavLajcak. And DAS Escobar for the support and coordination. Good news! https://t.co/AOfysbxlQB

— Manuel Sarrazin (@ManuelSarrazin) August 27, 2022

Kujtojmë se Kosova dhe Serbia janë pajtuar që të heqin dorë nga lëshimi i dokumentit për hyrje-dalje për shtetasit e të dy vendeve.

Kështu bëri të ditur më 27 gusht shefi i diplomacisë së Bashkimit Evropian, Josep Borrell.