Marcus Rashford është përballur me tifozët e zemëruar pas eleminimit të tij nga Champions League, por mohon të ketë bërë gjestin e gishtit të mesit ndaj tyre.
Manchester United humbi ndaj Atletico Madrid të martën mbrëma duke dalë nga skena evropiane me rezultatin e përgjithshëm 2-1. Pas ndeshjes në Old Trafford, tifozët e Djajve të Kuq kanë pritur lojtarët jashtë stadiumit, pranë autobusit e një prej tyre ka vënë në shënjestër Rashford. E 24-vjeçari nuk qendroi në heshtje.

Lojtari u kthye dhe u nis drejt tifozëve, duke thënë diçka dhe duke bërë gjeste, siç dëshmohet nga një video e postuar në rrjetet sociale. Më pas, anëtarët e klubit dhe stafit të UEFA-s bllokuan anglezin duke i thënë diçka. Në atë moment, sulmuesi u kthye drejt autobusit të ekipit. Shumë, pasi panë pamjet, akuzuan Marcus se i bëri gjestin e gishtit të mesit tifozëve.

Por lojtari ka ndërhyrë menjëherë për këtë çështje dhe e ka bërë të qartë, përmes një deklarate të postuar në Tëitter: “Një video mund të pikturojë më shumë se një mijë fjalë dhe në këtë rast të çojë në ndarjen e informacionit të pasaktë në mediat sociale. Djema prej javësh jam shqetësuar, kërcënuar, marrë në pyetje dhe mbrëmë emocionet e mia më dominuan. Unë jam një qenie njerëzore. Leximi dhe dëgjimi i këtyre gjërave për veten çdo ditë të lodh. Askush nuk është më kritik ndaj performancës sime sesa unë vetë. Por ajo që shihni në këtë video nuk është në këtë kontekst”.

24-vjeçari pranon se duhej të kishte injoruar provokimet por nuk ia doli: “Isha i shqetësuar që në momentin që dola nga fusha, ofendimet nuk kishin për qëllim vetëm paraqitjen time. Ata kërkonin reagimin tim. Telefonat ishin gati. Sigurisht, duhet të kisha shkuar drejt dhe t’i injoroja, kjo është ajo që duhet të bëjmë, apo jo? Dua të sqaroj 2 gjëra. E para është ajo që i thashë në të vërtetë njeriut që më ofendoi, që është ‘hajde këtu dhe ma thuaj në fytyrë’ (një fakt që siguria mund ta konfirmojë) dhe e dyta, fakti që përdora gishtin tregues për t’i thënë tifozit ‘eja dhe ma thuaj në sy’. Nuk bëra gjest me gishtin e mesit”.

Rashford në fund nënvizon se është i zhgënjyer: “Nuk kam të drejtë. Kjo nuk është ego. Jam i shokuar. Jam i zhgënjyer. Dhe në atë moment ishte një marrëzi, por unë jam njeri”. Nuk ishte një mbrëmje e lehtë dhe përgjithësisht një sezon i vështirë për anglezin, i cili ka shënuar vetëm pesë gola në të gjithë kompeticionet.

Rashford getting triggered by his own fans. Telling them to come around the back after getting told he played shit 🧐👀 pic.twitter.com/qW8XVLnwwo

— DSK (@0161Darren) March 16, 2022