Sport
Rama reagon pas incidentit në finale: E papranueshme, dhuna nuk ka vend në kryeqytet
Demokracia
12:16 | 12 Dhjetor 2022

Share:

Kryetari i Komunës së Prishtinës, Përparim Rama ka reaguar pas incidentit në finalen e Superkupës së Kosovës në basketboll ndërmjet Prishtinës dhe Trepçës, shkruan Demokracia.com.

Tifozeritë e dyja skuadrave kanë hedhur mjete piroteknike, shpërthyese, e gjësende në drejtim të njëra tjetrës, vetëm pak pasi përfundoi pjesa e parë në Pallatin e Rinisë dhe Sporteve në kryeqytet.

Rama në Facebook ka shkruar se dhuna në atë takim është i papranueshëm dhe se nuk ka vend në kryeqytet dhe asnjë vend tjetër.

“Dhuna e shfaqur mbrëmë në ndeshjen KB Prishtina – KB Trepça është e papranueshme dhe nuk ka vend në kryeqytet, e askund tjetër. Jemi të lumtur që KB Prishtina fitoi superkupën mbrëmë, mirëpo nga dhuna e shfaqur u zbeh edhe gëzimi për fitoren e merituar. Sporti ka të bëjë me shpirtin garues në frymë tolerance e respekti reciprok, prandaj u bëj thirrje edhe tifozëve që ta kultivojnë një frymë të tillë”, ka shkruar Rama në llogarinë e tij.

Pas incidentit në sallë, Policia e Kosovës mori vendim të zbraz palestrën në mënyrë që të zhvillohet pjesa e dytë.

Në fund, Prishtina triumfoi për herë të tetë në histori në Superkupën e Kosovës në basketboll./Demokracia.com/

Të ngjashme