Supermarketet po tejmbushen me qumësht bimor, por një studim i fundit nuk është aq optimist.

Qumësht me bazë bimore apo qumësht lope? Kjo është një pyetje që kryesisht po anon nga ai me bazë bimore. Në supermarket jemi të gjithë të bombarduar dhe të bindur se po bëjmë më të mirën kur blejmë një qumësht të bajameve, kokosit apo tërshere dhe nuk marrim qumështin e lopës, deles, apo dhisë.

Por çfarë thotë studimi i bërë nga studiuesit amerikanë i raportuar sot nga CNN.

Studimi:

Tregu i qumështit me bazë bimore po shpërthen, megjithatë, jo të gjitha këto opsione të qumështit janë të mira për ju.

Studimi analizoi etiketat ushqyese dhe përbërësit për 233 produkte qumështi me bazë bimore nga 23 prodhues të ndryshëm dhe zbuloi se vetëm 28 nga pijet kishin aq ose më shumë proteina, vitaminë D dhe kalcium sa qumështi i lopës.

“Unë nuk jam e shqetësuar për këtë pasi është e lehtë t’i marrësh këto lëndë ushqyese nga burime të tjera dhe qumështi i lopës sigurisht nuk është i përsosur,” tha autorja kryesore e studimit Abigail Johnson. “Por nëse një konsumator mendon se qumështi me bazë bimore është një zëvendësim i veçantë për qumështin e lopës, shumë prej tyre nuk janë.”