Kryeministri i Kosovës, Albin Kurti, u largua nga seanca e sotme e Kuvendit ende pa përfunduar ajo.

E zëdhënësi i Qeverisë, Përparim Kryeziu, ka njoftuar se arsye për këtë është takimi që Kurti po zhvillon me Përfaqësuesin e Posaçëm të Bashkimit Evropian për dialogun Kosovë-Serbi, Mirsollav Lajçak, i cili ka nisur në orën 14:00.

Ky takim nuk ishte paralajmëruar më herët për media, por Demokracia.com kishte raportuar për ardhjen e emisarit, Lajçak, ku edhe kishte siguruar fotografitë nga Aeroporti i Varshavës.

LEXO EDHE: 

FOTO| Lajçak niset drejt Kosovës në një vizitë të paparalajmëruar

“Kryeministri Kurti nga ora 14:00 po zhvillon takimin me Përfaqësuesin e Posaçëm të Bashkimit Evropian, Lajçak që po qëndron në Kosovë. Pastaj vazhdon agjendën ditore të takimeve zyrtare. Kjo është arsyeja se pse nuk mund të qëndronte më gjatë në Kuvend”, ka shkruar ai në Facebook.

Kryeziu i është përgjigjur edhe kritikave të opozitës se kryeministri nuk ka gatishmëri për të debatuar në Kuvend.

“Sot ishte vetëm seanca e parë e sesionit të ri të Kuvendit. Gatishmëria për të debatuar në Kuvend nuk ka munguar e as nuk do të mungojë asnjëherë”, ka shtuar ai.

LEXO EDHE: 

Kurti lëshon sallën pas fjalimit, Krasniqi: Tuc ka lind, tuc ka jetu, tuc ka me dalë prej këtu